Manchester United ka barazuar kundër Aston Villas, ndërsa Leicester City në fund të ndeshjes ka mposhtur Evertonin.

“Djajtë e Kuq” zhvilluan një ndeshje mjaftë të mirë, mirëpo ndeshja përfundoi me rezultat të barabartë 2 – 2, transmeton portali arbresh.info.

Golin e parë e shënuan mysafirët në minutën e 11-të me anë të Jack Frealish, ndërsa në minutën e 42-të u barazua rezultati nga Tom Heaton i cili shënoi autogol, rezultat me të cilin përfundoi pjesa e parë.

Ndërsa në pjesën e dytë ishin vendasit që shënuan të parët fal Victor Lindelof në minutën e 64-të, por pas katër minutave shifrat u barazuan nga Tyrone Mings, me këtë rezultat përfundoi ndeshja.

Nga ana tjetër Leicester City në minutat shtesë fitoi dramën kundër Evertonit me rezultat 2 – 1.

Richarlison në minutën e 23-të i dha epërsinë mysafirëve, rezultat me të cilin skuadrat shkuan në pushime. Në pjesën e dytë ylli i skuadrës vendase, Jamie Vardy barazoi shifrat në minutën e 68-të, ndërsa në minutat shtesë të pjesës së dytë Kelechi Iheanacho shënoi golin e fitores.

Leciester mbetet në vendin e dytë me 32 pikë, 8 me pak se lideri Liverpool, ndërsa Everton renditët në vendin e 17-të me vetëm 14 pikë.

Nga ana tjetër Manchester United është në vendin e nëntë me 18 pikë kurse Aston Villa në vendin e 15-të me 15 pikë./arbresh.info.